النور الأبيض
❣عضو ج ـديد➸
: : معلومآإت العضو ::
نشآط العضو..! :
جنسيـ..! : 
عدد المشآإركآت..! : 13
النقآطـ..! : 25
التقييم..! : 0
العمر : 31
موقعيـ..! : مدينة الباحة
المهنة..! : 
الهواية..! :
 |  موضوع: طريقة عمل فورمات للكمبيوتر بالصور مهم للغاية  الأربعاء نوفمبر 24, 2010 6:33 pm | |
| 1- قم بتشغيل الجهاز وانظر الى الشاشه جيدا " الشاشه السودا في البداية " راح يكون كاتبلك اضغط f2 او F11 او ايا رمز للدخول الى شاشة البوت بالضبط : press ** to boot menu
بتفتح عندك شاشه سوده وفيها 3 - 4 خيارات انو من وين بدك تدخل عالكومبيوتر الهارديسك ولا السي دي ولا فلاش ولاشو ؟
طبعا بتدخل السي عالجهاز وبتختار من القائمه السي دي CD وبتكبس انتر
راح تطلعلك الشاشه التاليه :
بتكبس انتر اول ما تشوفها
2- لمن تكبس انتر عالشاشه السابقه راح تطلعلك شاشه زرقاء وفي تحت كتابات بتتحرك .. انت مالك فيها ههههه وبعدين بنحكي عنها
لحد ما يوصل معك اتوماتيك للشاشه التاليه :
بنضغط انتر , بياخدنا للشاشه التاليه :
بقلك بتوافق على شروط استخدام الوندوز وهي ما يلي .. طبعا عمري ما قرأتهم هههههه حكي فاضي وبتكبسلو
F8 ان موافق .
وبنقلني للشاشه التايله :
شاشه مهمه كتير ...
ركز منيح
الخيار الاول : انتر
ابسط خيار , بتكبس انتر , وبياخدك للشاشه التاليه :
وهون بقلك انو كيف بدك اتفرمتو اختار الخيار يل يبالصوره واضغط انتر !
الخيار التالت : D
D اختصار لدليت يعني مسح , اذا بتحب تمسح السي كليا في حالة انو عليه فايروسات مثلا لمن تكبسلو D بياخدك لشاشه ثانيه بقلك بتأكد انو بدك ديليت ؟ بتكب L وبيلغيه وبقلك للمتابعه اضغط انتر لحتى يرد يرجع فيك للشاشه القديمه بس من غير سي , لانو محاها وبيحطلك مكانها بس المساحه تبعتها .
هون بناخد الخيار الثاني : C اختصار ل creat اي انشاء , بضغط C بقلك المساحه الفاضيه اللي ضايله حجمها كذا مثلا بالصوره :
وبتغط انتر هيك انشء c جديده وهيها بالصوره :
هيك انت عند درايف فاضي وجاهز للتزيل وبنختارو وبياخدك للفورمات متل اللي بالخطوه الاولى :
وهون بقلك انو كيف بدك اتفرمتو اختار الخيار يلي بالصوره واضغط انتر !
مجرد ما تكبس انتر اتوتمتك بياخدك للخطوه التاليه , وبنكون انهيني جميع المراحل الصعبه بنظر المبتدئين :
هون بلش يفرمت " يعني اعادة تهيئه " :
لحالو طبعا بيخلص فورمات وببلش نسخ بفايلات الوندوز :
وبعد هيك بيعمل ريستارت لحالو :
هون انتهى الجزء الرئيسي والمهم بالفورمات وما تبقى بسيط جدا واستخدام للحاسوب متل تنزيل ايا برنامج , خلينا نحكي نصيحه صغيره عشان ما تخاف وما تردد لمن تيجي اتفرمت وتخاف من عدم نجاح الفورمات او حصول ايا غلط وخربطه .
1- شو ما عملت وشو ما خبصت ما حتضرر ايا قطعه بالجهاز يعني ما تخاف على القطع
2- اتطلع منيح اسفل الشاشه , كاتبلك كل رمز شو بيسوي يعني بيساعدك حتى لو كنت ضعيف .
3- الرقم يلي بدك تكتبو وقت ما بدك تعمل درايف جديد هوه الحجم بالميغا , والجيجا 1000 ميجا , عسبيل المثال السي بدي اعملها 20 جيجا بكتبلو 20000 " عشرين الف " ههههههههه
4- اذا كانت اول مره اللك بتفرمت , اعرف انو راح ينمسح الاشياء يلي على C بس , لهيك قبل ما تعمل فورمات انقل كل يلي بدك اياه من سطح المكتب ومن الدرايف C لاي درايف تاني متلا لل D او ل E قبل ما اتبلش الشغل , عشان ترجعهم بعد ما اتخلص , وانتبه ماي ديكيومنت تابعه لل C لهيك انسخ الصور " ماي بكتشر " واي شي اللك على الديكيمونت قبل الفورمات .
. اوصلنا انو بيعمل رستارت !
بعد الريستارت "اعادة التشغيل " :
وهون بيفوت على الاكس بي والماوس فعاله وبكون متلو متل تنزيل ايا برنامج يعني next وخيارات بسيطه كتير :
بيوصل معك للدقيقه 33 وبعدين " طبعا ملاحظه . هون لو ضليت تعمل next next مش حيأثر شي لسبب انو اللغه والوقت وكل هالامور بتتعدل من جوى الوندوز يعني ما حيسبب ايا مشاكل " بس انكمل قانونيا .
بيسئلك عن اللغه :
بتختار next
بيقلك اكتب اسمك :
اكتب اسمك و
next
بقلك دخل الرقم السري تبع الوندوز :
طبعا بيكون على غلاف السي دي واذا مش موجود هي هدول اكتبهم عندك :
FCKGW-RHQQ2-YXRKT-8TG6W-2B7Q8
او
XJM6Q-BQ8HW-T6DFB-Y934T-YD4YT
او
BX6HT-MDJKW-H2J4X-BX67W-TVVFG
او
C873C-PKFQP-Q7RWQ-CM688-JM6JY
واعطيها Next هههههه
بياخدك للوقت :
time
خليها او عدل الوقت .. يلي بدك اياه اعملو وبعدها next
الانترنت :
بياخدك لتفعيل الانترنت . واعطيها next ... وبعد هيك قوم عبي بطنك ولا اعملك فنجان قهوه ولا روحي اجلي الجليات ههههههه
بياخد فتره وهوه بيعكل اشياء وبيعمل ريستارت وفوت عالوندوز لاول مره .. بشكل رسمي وشغال 100% وبيسئلك عن اعدادتك الشخصيه كالاتي :
بقلك تفوت عالانترنت ونشوف الخدمات الخ ...
اضغط skip انو لا ما بدي اختصر وعالي بعدو زحلق هههههههه
بقلك يفوت ويفعل النسخه من الموقع ومش عارف شو :
اختار NO انقلع عاللي بعديه قال افعل وما افعل ههههههه وبعدها Next
بقلك مين يلي بدو يستعمل الكومبيوتر يعني اكتب اسمك واذا بدك اتحط باسورد
وهون بيعطيك اخر رساله بقلك يقدملك المساعده بالحصول على منتجات الحمايه من الانترت و و والخ :
اعطيه no و next ويالاخر بقلك finisih
بس تضغط على فنش يعني بياخدك لسطح المكتب والبدايه :
[ندعوك للتسجيل في المنتدى أو التعريف بنفسك لمعاينة هذا الرابط]
يا عيني عالنضافه ههههههههههههههه
مساعده اخيره , روح على ستارت >> كلك يمين على كومبيوتر واختر show in disktop يعني وريني اياها على سطح المكتب !
واعمل بالمثل على ماي ديكيومنت منشان يظهرلك اياهم على سطح المكتب .
وبعد هيك بلش اتنزل تعاريف الجهاز . صوت وصوره وهيك ... وبعد هيك نزل برامجك الاساسيه واشتغل كالعاده .
لهون بتنتهي حلقة اليوم . والتذكير بأهم الامور .
انو الفومرات سهل . جدا .. وخطواتو ببساطه :
الدخول للسي دي
اختيار االتنزيل
اختيار مكان التنزيل
فورمات الدرايف يلي بدك اتنزل عليه الوندوز
وبعد هيك لحالو بينخ الفايلات وبيجهز حالو وبيعمل رستارت وبيفوت على شاشه الوندوز
وبتبلش تختار اعدادتك الشخصيه متل ما شفنا وهيه عباره عن next وشوية امور بسيطه .
واتمنى الاستفاده لكم .
التعاريـــــــــــــف
تعريف القطع : ببساطه الكومبيوتر عباره عن مجموعة قطع , وكل قطعه مسؤوليه عن شي معين , والتعريف من الكلمه بتفهم انو تعريف مهمة القطعه بالسنبه للجهاز , يعني مثلا :
كرت الصوت : تعريف كرت الصوت بيي على شكل رنامج وفايلات بيتم نسخهم للوندوز والوندوز بتعرف على هذا الكرت انو جهاز مسول عن الصوت ولمن انت بتشغل ايا صوت بيقوم الوندوز باعطاء المهمه للكرت !
والفيديو بالمثل .. هي هيه التعريفات !
من وين بتجي هي التعريفات ؟
كل قطعة انت بتشريها بيجي معها سي دي خاص فيها وتعريفها موجود بالسي دي , طبعا مجرد ما خلصت فورمات بتدخل سي دي التعريف وبتنزلو وهوه لحالو بينزل عالجهاز وبيعرفلك الكرت . او القطعه الخاص فيها !
طيب عفوا يعني انا ضيعت السي دي او شريتها مستعمله وما اجا معها تعريف ؟ شو اعمل اذا فرمتت اكب القطعه يعني ؟؟
اذا قطعه محرزه . كبها واتصل فيه وقلي وين رميتهاههههههههه
الحل : بالاول اكيد انت حتكون عاارف هيه قظعة شو ؟ كرت شاشه ولا كرت صوت ولا طابعه ولا شو ؟
هون واربط : بفوت عالجوجل وبتكتب متلا تعريف طابعه : hp 220 وبتنزل التعريف وسيت اب عالجهاز !
ما لقيت , اتغلبت , ما عرفت شو نوع القطعه ...
ما اتزعل حالك !! بتنحل يخوي ...
اولا لازم تعرف شو هيه القطعه .. كيف بدي اعرف شو هيه ؟؟ شغل اغنيه في صوت ؟؟ اه اذا مش كرت صوت شغل لعبه قويه , اشتغلت معك بشكل ممتاز اذن مش كرت شاشه , فوت عالنت رضا يشبك ؟ اذا مش كرت انترنت .. يعني اتفحص شغله شغله !!
NOW فيك تعرف اسماء وانواع قطع جهازك كالتالي :
start > RUN < dxdiag
بيظهرلك الشاشه التالية
هون فيها معلومات اساسه عن جهازك متل نوع المذر بورد والسي بي يو وهالامور
اضغط على display متل ما موجود بالصوره :
بيطلعلك اسم ونوع كرت الشاشه !
واضغط على sound بيطلعلك معلومات كرت الصوت !
طيب اعرفت شو هيه القطعه ؟؟ ه كرت الشاشه بس مش لاقي تعريف عالانترنت , بتحمل حالك وبتروح على اقرب محل سي دي وبتقلو اعطيني سي دي تعاريف كرت شاشه ! راح يقلك نوع شو ؟ بتقلو المكتوب بالصوره عندك ! , طبعا الصوره يلي فوق قطع جهازي انا .. هههههههههههه مش تاخد يلي بالصوره هون يلي انا حاططها ! لاء بتاخد الكلام يلي بيطلع معك على جهازك !
بتقلو اعطيني تعريف لموذر بوردMB نوع كذا مثلا انا فوق من نوع intel
كيف تعرف اذا القطع يلي عندك من داخليه ولا منفصله .. داخليه يعني جايه مع اللوحه الام ," موذر بورد " هلاء كرت الشاشه اللي جاي مع اللوحه الام بيكون مبين من ورا , اتطلع مكان المداخل " مدخل الفاره والكيبورد " كرت الشاشه بنفس المستطيل هناك يلي فيه مداخل ؟ ولا تحت منفصل لحالو ؟
اذا اه اذا هوه داخلي اي بلت ان اي انو مع اللوحه . وكرت الصوت بالمثل .. اما اذا جاين تحت منفصل عن باقي المداخل اذا هوه منفصل .
طيب انت عندك السي دي ومش عارف اي تعريف منهم ممكن يكون عليه تعريفات كتيره !؟!
كالاتي :
بتمشى بالخطوات هاي عن طريق الاختيار بالماوس
كلك يمين على ماي كمبيوتر >>> بروبرتيز >> هاردوير >>> ديفايس مانيجر
بتلاقي القطع يلي مش معرفه عليهم علامات استفهام لون اصفر
ببساطه كلك يمين , ابديت درايفر , سيرش اتوماتيك
بيبحث بالسي دي روم وبيقلك انو لقى التعريف المناسب واعطيه نيكست !
بينزل التعريف واحيانا بيطلب ريستارت بعد اللتعريف ..
لهون وانهينى موضوع التعريفات .
وبتمنى اتكونو مستفيدين .
اووووووووووووووووووووووووووف تعبت بس لعيونكم مو مهم
تحياتي اللكم . __--ملاحظة--__ طبعا في اشياء و معلومات جبتها من مواقع اخرى لعيونكم بس | |
|
غرام اطفال
❣الأدآره➸
: : معلومآإت العضو ::
نشآط العضو..! :
جنسيـ..! :
عدد المشآإركآت..! : 122
النقآطـ..! : 298
التقييم..! : 0
آنآ منـ..! : 
المهنة..! : 
الهواية..! : 
Mms ..! ~ : 
مـــزآآجيـــ..! : 
| | موضوع: رد: طريقة عمل فورمات للكمبيوتر بالصور مهم للغاية الخميس نوفمبر 25, 2010 5:19 am | |
| موضوع جميل ومميز وآكيد مفيد
يسلموـوـوـو على الموضوع
تقبل مروري | |
|
النور الأبيض
❣عضو ج ـديد➸
: : معلومآإت العضو ::
نشآط العضو..! :
جنسيـ..! :
عدد المشآإركآت..! : 13
النقآطـ..! : 25
التقييم..! : 0
العمر : 31
موقعيـ..! : مدينة الباحة
المهنة..! :
الهواية..! :
| | موضوع: رد: طريقة عمل فورمات للكمبيوتر بالصور مهم للغاية الخميس نوفمبر 25, 2010 7:35 pm | |
| شكراااا لك اخوي غرام اطفال عالمرووووووووووور العطر | |
|
