اوبريت عرائس
الطفل يبحث عن عمل
الطفل نادى
ياعلى فين رايح
تعالى نفطر حليب
مع بعض الشرائح
الطفل على
صاحى بأدور يانادى على شغل
لاجل ماأكون حياتى
واشيل الحمل
الطفل نادى
يا على تعالى نلعب شخشيخة
او نلعب الاتارى وبلاش دوخة
الطفل على
ماتاجى معايا
وغنى ويايا
الطفلان
ح نلف مع بعض كل الشوارع
مش ح نسيب فى البلد دى شارع
ندور فى المصانع
نسأل اى بايع
ونقول للصيادين
الاسماك بيجبوها منين
***
عند دكان
بائع
وانا بياع ابيع الجبنة
ودكانة البقالة حتة هنا
قرب قرب منا
الطفلان
عندكاش ياعمنا شغل احنا عيال شربات
ونريحك على الاخر ونجيب لك الحاجات
ابن البائع
كوكولا اسبورت
كيف نشغل عيل بشورت
زبونة
عندكاش ياعم سمنة
يادكانتك حتة من الهنا
شحات
ياخلق اللة حاجة قليلة
تشيل حاجات تقيلة
للة ياسياد للة
***
عند القهوة
قهوجى
واحد شاى وصلحة
واللى معاة جنية يريحة
زبون
استنى ساعتين
لما يخلص الدور عمك حسنين
افتحلنا قناة الكورة
وبلاش قنوات مأجورة
دا احنا فى قهوة معانا شوية ملاليم
دااحنا فى قهوة بلاش قنوات الحريم
هاهاهاها
الزبائن
رجالة ياسيدى رجالة
رجالة ياسيدى رجالة
فين يا ابنى الطلبات
قهوجى
حاضر ياعم مختار
الطلبات كلها على النار
زبون
عايز واحد عصير
واندهلى عمك تيسير
قهوجى
هات واحد عصير
واندهلوة عم تيسير
الطفلان
نشتغل معاك ياعمنا
جربنا كدة
صاحب القهوة
معلش ياولاد انتو صغار
اقعد اطلب
***
عند بائع الكشرى
بائع
كشرى كشرى كشرى
مايحبش ابدا حشرى
زبون
واحد كشرى كبير
واتنين حوواوشى
حاسب لو ماجاش الطلب
طبع الغضب غلب
البائع
عندك واحد سوبر معدل
واتنين حوواشى دوبل
الطفلان
عندكش ياعمنا شغل
البائع
امشوا بعيد ياولاد
مش عايز رطرطة
مين فى المحروسة
مكلشى كشرى
ده الكشرى مايحب حد حشرى
مين عايز شطشطة
***
عند العجلاتى
العجلاتى
العجلة بتوفر وقت كتير
فى المسافات تطير
زى العصافير
هاتلك كام ولاعه
تأجير العجلة بالساعة
الطفلان
فية شغل ياعم عندك
وأستنى شوية فى ردك
العجلاتى
عندى كام ولد
تعالى ياود يا بلية
بلية
شغلانة متعبة
مش محتاجة غبة
والعجلاتى عايز موهبة
وكمان شوية تعويذ
دول عجل مش شوية معيز
الطفلان
يابلية يالهلوبة
توبة توبة
باى باى بقى باىباى
حد شاف عجلاتى ب ناى
فنان ياود فنان
بتغنى احلى الالحان
بلية
سلامات على الباشوات
ارميلكم ميات التحيات
جدعان ياولاد جدعان
انا بلية محبش واحد زعلان
فى امان فى امان
***
فى المصنع
العمال
المكن بيشتغل للصبح
لاجل ما تعلى البلاد ويزيد الفرح
رئيس العمال
الهمة والعزم يارجالة
بدرى بدرى قبل القيالة
وعمال مصر حديد
ينتجوا جديد فى جديد
وبلاش بعزقة
وبلاش تبديد
العمال
احنا عمال النهاردة
الدنيا علينا شاهدة
ونعيش من عرقنا
يوم شقى ويوم سعيد
الطفلان
ملناش لقمة هنا
اطفال فى المصانع
ومفيش اى مانع
غير التعب والضنا
ملناش لقمة هنا
***
فى النادى
الكابتن
اجرى اجرى اجرى
العب العب العب
الاعبون
العقل السليم فى الجسم السليم
الرياضة للجميع
ومن غير رياضة الصحة تضيع
الكابتن
اجرى اجرى اجرى
العب العب العب
الاعبون
نادينا دايما بيشجع الرياضة
والروح الرياضة فوق الرياضة
الكابتن
شوت شوت شوت
من كل اللعيبة لازم تفوت
الاعبون
التدريب مهم والتركيزالشئ الاهم
الطفل على
الرياضة حلوة عايزلها غنوة
يا نادى ياصديقى ملناش عيش فى النادى
الطفل على
لازم ناجى هنا نلعب كل يومين
***
عند عمال البناء
العمال
هيلا هيلا هيلا يارب
انت عالم باطهر قلب
العزم والهمة يارجالة
وشد العزم على السقالة
الطفلان
مين دا اللى يكافئ اليد الشغالة
اللى يشيل الرملة
اكيد فى اضيق حاجة
التنمية فى البلاد
عايزة سواعد العباد
العمال
اللة اللة الشدة على اللة
ربنا رب قلوب
بسرعة يارجالة قبل الغروب
***
عند البحر
صياد
هوب فارد شباكى
بعون المولى
يامصر حباكى
المولى بنيل طويل
بتحبة الصيادين وبتحبة النخيل
الطفلان
ياريت اكون صياد
واجيب الزاد والزواد
***
عند المدرسة
جرس الفسحة
المعلم فى الميكرفون
انتباة الكل يستعد يرجع الفصل
بلاش تأخير بلاش تأخير
والطالب امير ياجى مكتب المدير
التلاميذ
فسحة فسحة اللى نايم يصحى
هيا هيا هيا
الطفلان
احسن عمل انى اروح المدرسة
دة التعليم احسن عمل للاطفال
لاجل مايكونوا خير الرجال
المزاكرة
تكون حياتى
التلاميذ
شنطة مين شنطة حمزة
حمزة مين صاحب الشنطة
النهاردة برد برد
عم خليل بقطع ورد
الطفلان
الى المدرسة
استاذى مدرس
او مدرسة
اكون مستقبلى
واللى مايروح المدرسة واحد غبى
التلاميذ
شنطة مين شنطة حمزة
حمزة مين صاحب الشنطة
النهاردة برد برد
عم خليل بقطع ورد
محمود العياط
موضوع: اوبريت عرائس الطفل يبحث عن عمل 
الخميس أكتوبر 31, 2013 2:45 pm
